「喂。羡云。」向我隔离开紧车既曼德拉话：「兜兜转转，又系返返来尔度。」

「嗯。不过或者得尔度适合我」我话。

「不过执返条命已经好好啦，系咪？」

「嗯。」我挤出一个微笑。

「第一次见你笑。」曼德拉大笑。

「嗯。简直好似喂饱全宇宙既马骝一样咁难。」我跟住一齐大笑。

笑完，曼德拉问我：「你有冇野想讲？」

真系唐突既问题，不过我都谂左一谂。然后只系微笑摇头。

曼德拉轻轻耸肩，表情耐人寻味。

「咁你有咩想做？饮两杯好冇」

「两杯？够咩？」

曼德拉大笑，然后我又跟住一齐大笑。

「边饮边讲好冇？」曼德拉话：「就算语言乜都传达唔到都好，就算点诉说都只系同弹一支冇电既低音结他一样都好。有时都总需要讲出口，无论用乜形式，同边个讲，就算自言自语。你系咪讲谂？」

「哈。我点谂你最清楚。」

「哈哈哈哈⋯⋯」曼德拉又大笑，然后提议我去佢度饮酒。

「好呀。向边度？」我问。大屋恐怕已经唔再向度。

「非洲。」

「非洲？」

「嗯嗯。」

「非洲尐酒系点㗎？」

「唔知。未饮过。哈哈哈哈⋯⋯」曼德拉又笑，简直好似笑面佛一样。

我将音乐扭大，Davie Bowie 既《Space Oddity》清晰传入耳际。曼德拉跟住一齐唱。

「Though I'm past one hundred thousand miles, I'm feeling very stil」

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.52hetang.com

(＞人＜；)