第二日，困醒时头脑一片混乱，简直好似原本既自己，被塞入蚂蚁大小既身体一样。时间尚早，天刚开始染成灰蓝。我又再打畀Mona，但服务照旧停止，同一把女声不厌其烦咁重复叫我检查号码。我放弃再打电话，决定落厨房饮杯咖啡。我坐向厨房，望住天空静静变化，到差唔多时间开始煮早餐，两人份既通粉加杂豆同火腿。食完通粉，又再冲多杯咖啡。大概二十分钟，饮左半杯，陈生依然未起身。我走上三楼，陈生既房门紧紧关上，毫无生气，好似病房大门一样。我敲门，冇回应，然后继续敲左十几次房门，但系房里仍然冇任何回应。房门固执咁发出「咯咯」声，但系房里面依然毫无动静。我打开房门，陈生已经唔向度。

睡房既床铺整齐铺好，冇任何凹痕同皱折，简单既衣柜好似从来冇打开过一样，窗前书枱被阳光照亮，枱上冇任何杂物，枱櫈对正泊好，完全感觉唔出所谓生活既气息。我走入房，望住一张空床，一张空枱，然后打开衣柜。柜门唔顺，要用小小力打开。打开之后，有一股上等木材既香味扑出。而衣柜同我谂既一样，空空如也。

唔止睡房已经人去楼空，连车库都一样。本应向度既 760i 已经唔见左，取而代之既系某种空白填满本来房车既空间。我决定暂时放低眼前既野，去揾 Mona 先。但系房车已经唔向度。讲唔出原因，总之我选择徒步落山。

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.52hetang.com

(＞人＜；)